आज पनि यो

मो अजिज अली
स्याङ्जा बजार

आज पनि यो दिन किन चाडै भाग्दै छ !!
अपुरो रह्यो काम त्यसै भोलिलाई साच्दै छ !!

पारि खर्सुको डाडाले पनि चन्द्रमा डाक्दै छ !!
बास बस्न अलैची बनमा चरिहरु नाच्दै छ !!

झिल्के ड्राइभर राङ्कोस को बाटो गाडी हाक्दै छ !!
हलो बोकी लामागे पारि कोहि उकालो लाग्दै छ !!

सुर्य अस्ताउन चन्द्रमा संग बिदा माग्दै छ !!
स्याङ्जा बजार झिलिमिली बिजुलीले ढाक्दै छ !!

आधिखोलाले अरौदी संग पिरती गास्दै छ !!
मजा मानि पारि हिमाल हेरन हास्दै छ !!

ख्याल ख्यालैमा दिन बिती बर्सौ पो नाग्दै छ !!
उठ्न पर्यो आवाज आयो घरकी ले डाक्दै छ !!